BIG NEWS: ಆಗಸ್ಟ್ ಮೊದಲ ವಾರದಿಂದ ಶಾಲೆ ಆರಂಭ

July 22, 2021

 


ಬೆಂಗಳೂರು: ಶಾಲೆಗಳನ್ನು ಆರಂಭಿಸಲು ಮುಂದಾದರೆ ಮೊದಲಿಗೆ ಪ್ರಾಥಮಿಕ ಹಂತದ ಶಾಲೆಗಳನ್ನು ಆರಂಭಿಸುವುದು ಉತ್ತಮ ಎಂದು ಐಸಿಎಂಆರ್ ಸಲಹೆ ನೀಡಿದೆ.

ರಾಜ್ಯದಲ್ಲಿ ಆಗಸ್ಟ್ ಮೊದಲ ವಾರದಿಂದ ಶಾಲೆ, ಕಾಲೇಜುಗಳನ್ನು ಆರಂಭಿಸಲು ಸರ್ಕಾರ ಚಿಂತಿಸಿದೆ. ಹಂತ ಹಂತವಾಗಿ ಶಾಲೆ-ಕಾಲೇಜುಗಳನ್ನು ಆರಂಭಿಸಲಾಗುವುದು ಎಂದು ಹೇಳಲಾಗಿದೆ.

ಮೊದಲಿಗೆ 10, 12 ನೇ ತರಗತಿ, ನಂತರ 8,9 ಮತ್ತು 11 ನೇ ತರಗತಿಗಳನ್ನು ಆರಂಭಿಸಲಾಗುವುದು. ಬಳಿಕ 5, 6, 7 ನೇ ತರಗತಿ ಮಕ್ಕಳಿಗೆ ವಿದ್ಯಾಗಮ ಆರಂಭಿಸುವ ಸಾಧ್ಯತೆ ಇದೆ. 5, 6, 7 ನೇ ತರಗತಿಗೆ ಮಕ್ಕಳಿಗೆ ಮೊದಲಿಗೆ ಶಾಲೆ ಆವರಣದಲ್ಲಿ ವಿದ್ಯಾಗಮ ತರಗತಿಗಳನ್ನು ಆರಂಭಿಸಲಾಗುವುದು. ನಂತರ ಒಂದರಿಂದ ನಾಲ್ಕನೇ ತರಗತಿ ಮಕ್ಕಳಿಗೆ ಶಾಲೆ ಆವರಣದಲ್ಲಿ ವಿದ್ಯಾಗಮ ಆರಂಭಿಸಲಾಗುತ್ತದೆ. ಹೀಗೆ ಹಂತ ಹಂತವಾಗಿ ಶಾಲೆಗಳನ್ನು ಆರಂಭಿಸಲಾಗುವುದು ಎನ್ನಲಾಗಿದೆ.

ರಾಜ್ಯ ಸರ್ಕಾರಿ ನೌಕರರಿಗೆ ಭರ್ಜರಿ ಗುಡ್ ನ್ಯೂಸ್ : ಶೀಘ್ರವೇ ಖಾಸಗಿ ಆಸ್ಪತ್ರೆಗಳಲ್ಲಿ `ಕ್ಯಾಶ್ ಲೆಸ್' ಚಿಕಿತ್ಸೆ

July 21, 2021

 ಬೆಂಗಳೂರು : ರಾಜ್ಯ ಸರ್ಕಾರಿ ನೌಕರರಿಗೆ ಭರ್ಜರಿ ಸಿಹಿಸುದ್ದಿಯೊಂದು ಸಿಕ್ಕಿದ್ದು, ರಾಜ್ಯ ಸರ್ಕಾರಿ ನೌಕರರಿಗೆ ನಗದು ರಹಿತ ಚಿಕಿತ್ಸೆ ನೀಡುವ ಯೋಜನೆಗೆ ಇಂದು ನಡೆಯುವ ರಾಜ್ಯ ಸಚಿವ ಸಂಪುಟ ಸಭೆಯಲ್ಲಿ ಒಪ್ಪಿಗೆ ಸಿಗುವ ಸಾಧ್ಯತೆ ಇದೆ.

ಸರ್ಕಾರಿ ನೌಕರರು ಹಾಗೂ ಅವರ ಅವಲಂಬಿತ ಕುಟುಂಬದ 25 ಲಕ್ಷ ಸದಸ್ಯರಿಗೆ ಕ್ಯಾಶ್ ಲೆಸ್ ಚಿಕಿತ್ಸೆ ಸೌಲಭ್ಯದ ಅವಕಾಶ ಸಿಗಲಿದೆ ಎಂದು ರಾಜ್ಯ ಸರ್ಕಾರಿ ನೌಕರರ ಸಂಘದ ರಾಜ್ಯಾಧ್ಯಕ್ಷ ಸಿ.ಎಸ್. ಷಡಾಕ್ಷರಿ ಹೇಳಿದ್ದಾರೆ.

ರಾಜ್ಯ ಸರ್ಕಾರಿ ನೌಕರರಿಗೆ ನಗದು ರಹಿತ ಚಿಕಿತ್ಸೆ ಸೌಲಭ್ಯದ ಕುರಿತು ಮುಖ್ಯಮಂತ್ರಿ ಬಿ.ಎಸ್.

ಯಡಿಯೂರಪ್ಪಗೆ ಮನವಿ ಮಾಡಲಾಗಿದೆ. ಈ ಯೋಜನೆ ಜಾರಿಗೆ ತರುವ ಭರವಸೆಯನ್ನು ಸಿಎಂ ನೀಡಿದ್ದರು. ಅದರಂತೆ ಮುಂದಿನ ಸಚಿವ ಸಂಪುಟ ಸಭೆಯಲ್ಲಿ ಈ ಯೋಜನೆಗೆ ಒಪ್ಪಿಗೆ ಸಿಗುವ ಸಾಧ್ಯತೆ ಇದೆ. ಇದರಿಂದ ಸೂಚಿತ ಖಾಸಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯಲು ಅನುಕೂಲವಾಗಲಿದೆ ಎಂದು ತಿಳಿಸಿದ್ದಾರೆ.

ಇನ್ನು ಕ್ಯಾನ್ಸರ್ ಪೀಡಿತ ನೌಕರರಿಗೆ ಆರು ತಿಂಗಳ ವಿಶೇಷ ಸಾಂದರ್ಭಿಕ ರಜೆ ಮಂಜೂರು ಮಾಡಲಾಗಿದೆ. ಮರಣ ಹೊಂದಿದ ನೌಕರರಿಗೆ ಶವ ಸಂಸ್ಕಾರ ವೆಚ್ಚ 5 ಸಾವಿರ ರೂ.ನಿಂದ 15 ಸಾವಿರ ರೂ.ಗೆ ಹೆಚ್ಚಳ ಮಾಡಲಾಗಿದೆ. ಡಯಾಲಿಸಿಸ್ ಚಿಕಿತ್ಸೆ ಪಡೆಯಲು ವಿಶೇಷ ಸಾಂದರ್ಭಿಕ ರಜೆ ನೀಡಲಾಗಿದೆ ಎಂದು ಸಿ.ಎಸ್. ಷಡಾಕ್ಷರಿ ತಿಳಿಸಿದ್ದಾರೆ.

ಮನೆಯಿಂದಲೇ ಸಂಪಾದಿಸಿ 80 ಸಾವಿರ ರೂ- ರೈಲ್ವೆ ಇಲಾಖೆಯಿಂದ ಸಿಹಿ ಸುದ್ದಿ: ಇಲ್ಲಿದೆ ವಿವರ

July 21, 2021

 ನವದೆಹಲಿ: ಮನೆಯಲ್ಲಿಯೇ ಕುಳಿತು ಕೈತುಂಬಾ ಸಂಪಾದನೆ ಮಾಡಬೇಕು ಎಂದು ಕನಸು ಕಾಣುತ್ತಿರುವವರಿಗೆ ರೈಲ್ವೆ ಇಲಾಖೆ ಭಾರಿ ಸಿಹಿ ಸುದ್ದಿಯೊಂದನ್ನು ನೀಡಿದೆ. ಮನೆಯಲ್ಲಿಯೇ ಕುಳಿತು 80 ಸಾವಿರ ರೂಪಾಯಿವರೆಗೆ ಸಂಪಾದಿಸಬಹುದಾದ ಸುದ್ದಿ ಇದು!


ರೈಲ್ವೆ ಇಲಾಖೆಯ (ಐಆರ್​ಸಿಟಿಸಿ) ಆನ್​ಲೈನ್​ ಟಿಕೆಟ್​​ ಬುಕ್ಕಿಂಗ್​ ಏಜೆಂಟ್‌ ಆಗುವ ಮೂಲಕ ಈ ಸಂಪಾದನೆ ಮಾಡಬಹುದಾಗಿದೆ. ಸದ್ಯ 55 ಪ್ರತಿಶತ ಟಿಕೆಟ್​ಗಳನ್ನು ಆನ್​ಲೈನ್​ ಮೂಲಕವೇ ಕಾಯ್ದಿರಿಸಲಾಗುತ್ತದೆ. ಹೀಗಾಗಿ ಟಿಕೆಟ್​ ಬುಕಿಂಗ್​ ಏಜೆಂಟ್​ಗಳಾಗಿ ಕಾರ್ಯ ನಿರ್ವಹಿಸುವ ಮೂಲಕ 80 ಸಾವಿರ ರೂಪಾಯಿವರೆಗೆ ಸಂಪಾದಿಸಬಹುದಾಗಿದೆ ಎಂದು ರೈಲ್ವೆ ಇಲಾಖೆ ಹೇಳಿದೆ.
ಟಿಕೆಟ್​​​ ಏಜೆಂಟ್​ಗಳು ತತ್ಕಾಲ್​, ವೇಟಿಂಗ್​ ಲಿಸ್ಟ್​ನಿಂದ ಹಿಡಿದು ಆರ್​ಎಸಿವರೆಗೆ ಎಲ್ಲಾ ಟಿಕೆಟ್​ಗಳನ್ನು ಬುಕ್​ ಮಾಡಬಹುದಾಗಿದೆ.

ಪ್ರತಿ ಬುಕ್ಕಿಂಗ್​​ಗೆ ಏಜೆಂಟ್​ಗಳಿಗೆ ಕಮಿಷನ್​ ಸಿಗಲಿದೆ.



ಕಮಿಷನ್‌ ಹೇಗೆ ಸಿಗುತ್ತದೆ?
1. ಒಂದು ವರ್ಷದ ಏಜೆನ್ಸಿಗೆ, ಏಜೆಂಟರಿಗೆ 3,999 ರೂ.
2. ಎರಡು ವರ್ಷದ ಏಜೆನ್ಸಿಗೆ, ಏಜೆಂಟರಿಗೆ 6,999 ರೂ.
3. ಏಜೆಂಟರು ಗರಿಷ್ಠ 100 ಟಿಕೆಟ್‌ಗಳನ್ನು ಕಾಯ್ದಿರಿಸಿದರೆ ಪ್ರತಿ ಟಿಕೆಟ್‌ಗೆ 10 ರೂ.
4. ಗರಿಷ್ಠ 101 ರಿಂದ 300 ಟಿಕೆಟ್‌ಗಳನ್ನು ಕಾಯ್ದಿರಿಸಲು ಪ್ರತಿ ಟಿಕೆಟ್‌ಗೆ 8 ರೂ.
5. ತಿಂಗಳಲ್ಲಿ 300 ಟಿಕೆಟ್‌ಗಳನ್ನು ಕಾಯ್ದಿರಿಸಲು ಪ್ರತಿ ಟಿಕೆಟ್‌ಗೆ 5 ರೂ.

ಏಜೆಂಟ್ ಆಗುವುದು ಹೇಗೆ?
1. ನೋಂದಣಿ ಫಾರ್ಮ್ ಅನ್ನು ಆನ್‌ಲೈನ್‌ನಲ್ಲಿ ಭರ್ತಿ ಮಾಡಿ.

2. ಸಹಿ ಮಾಡಿದ ಅರ್ಜಿ ನಮೂನೆ ಮತ್ತು ಘೋಷಣೆ ನಮೂನೆಯೊಂದಿಗೆ ನಿಮ್ಮ ದಾಖಲೆಗಳ ಸ್ಕ್ಯಾನ್ ಮಾಡಿದ ಪ್ರತಿಗಳನ್ನು ವಾಪಸ್ ಕಳುಹಿಸಿ.

3. ನಿಮ್ಮ ದಾಖಲೆಗಳನ್ನು ಪರಿಶೀಲಿಸಿದ ನಂತರ, ರೈಲ್ವೆ ಇಲಾಖೆ ಐಡಿ ರಚಿಸಲು 1,180 ರೂ. ಶುಲ್ಕ ಪಾವತಿಸುವಂತೆ ಹೇಳುತ್ತದೆ

4. ಒಟಿಪಿ ಮತ್ತು ವಿಡಿಯೊ ಪರಿಶೀಲನೆಯ ನಂತರ ಡಿಜಿಟಲ್ ಪ್ರಮಾಣಪತ್ರವನ್ನು ನಿಮಗಾಗಿ ರಚಿಸಲಾಗುತ್ತದೆ.

5. ನೀವು ಡಿಜಿಟಲ್ ಪ್ರಮಾಣಪತ್ರವನ್ನು ಪಡೆದ ನಂತರ, ಶುಲ್ಕವನ್ನು ಜಮಾ ಮಾಡಬೇಕು.

6 ಶುಲ್ಕವನ್ನು ಸ್ವೀಕರಿಸಿದ ನಂತರ, ನಿಮ್ಮ ಐಆರ್‌ಸಿಟಿಸಿ ರುಜುವಾತುಗಳನ್ನು ನಿಮಗೆ ಇಮೇಲ್ ಮಾಡಲಾಗುತ್ತದೆ.

7. ನೀವು ಈಗ ಅಧಿಕೃತ ಏಜೆಂಟ್ ಮತ್ತು ನಿಮ್ಮ ಗ್ರಾಹಕರಿಗೆ ಆನ್‌ಲೈನ್‌ನಲ್ಲಿ ಟಿಕೆಟ್ ಕಾಯ್ದಿರಿಸಬಹುದು.

ಅಗತ್ಯವಿರುವ ದಾಖಲೆಗಳು: ಪ್ಯಾನ್ ಕಾರ್ಡ್, ಆಧಾರ್ ಕಾರ್ಡ್, ಮೊಬೈಲ್ ಸಂಖ್ಯೆ, ಮಾನ್ಯ ಇಮೇಲ್ ಐಡಿ, ಫೋಟೋ, ಕಚೇರಿ ವಿಳಾಸ ಪುರಾವೆ, ವಸತಿ ವಿಳಾಸ ಪುರಾವೆ, ಘೋಷಣೆ ನಮೂನೆ ಮತ್ತು ನೋಂದಣಿ ನಮೂನೆ.

ಹೆಚ್ಚಿನ ಮಾಹಿತಿಗೆ https://www.akbartravels.com/agents/irctc#top ಕ್ಲಿಕ್ ಮಾಡಿ ವೀಕ್ಷಿಸಬಹುದು.

ಪ್ರಾಥಮಿಕ /ಪ್ರೌಢಶಾಲಾ ಶಿಕ್ಷಕರ ವರ್ಗಾವಣೆಯ ಪ್ರಮುಖ ದಿನಾಂಕಗಳು

July 21, 2021

 


ಪ್ರಾಥಮಿಕ /ಪ್ರೌಢಶಾಲಾ ಶಿಕ್ಷಕರ ವರ್ಗಾವಣೆಯ ಪ್ರಮುಖ ದಿನಾಂಕಗಳು


 ಹೊಸದಾಗಿ ವರ್ಗಾವಣೆಗೆ ಅರ್ಜಿ ಸಲ್ಲಿಸುವ ದಿನಾಂಕ

02/08/21 ರಿಂದ 02/09/2021


 ಕಡ್ಡಾಯ /ಹೆಚ್ಚುವರಿಯಾಗಿ ಹೊರ ತಾಲೂಕಿಗೆ ಹೋಗಿರುವ, ವಿಶೇಷ counselling ಗೆ ಅರ್ಜಿ ಸಲ್ಲಿಸದೆ ಇರುವವರುbಅರ್ಜಿ ಸಲ್ಲಿಸುವ ದಿನಾಂಕ

23/07/21 ರಿಂದ 29/07/21


 ಕಡ್ಡಾಯ/ಹೆಚ್ಚುವರಿ ಶಿಕ್ಷಕರ counselling ದಿನಾಂಕ

15/09/21 ರಿಂದ

 5 ವರ್ಷ ಪೂರ್ಣಗೊಂಡಿರುವ CRP/BRP COUNSELLING ದಿನಾಂಕ

25/09/21  - 1st PHASE
18/01/22  - 2nd PHASE

  ಕೋರಿಕೆ ವರ್ಗಾವಣೆಗೆ ಸಲ್ಲಿಸಿರುವ ಅರ್ಜಿ ಹಿಂಪಡೆಯುವ ದಿನಾಂಕ

23/07/21 ರಿಂದ 01/08/21

 5 ವರ್ಷಕ್ಕಿಂತ ಕಡಿಮೆ ಸೇವೆ ಸಲ್ಲಿಸಿರುವ CRP/BRP ರವರ ಕೋರಿಕೆ ಮೇರೆಗೆ COUNSELLING 
ದಿನಾಂಕ

02/12/21  - 1st PHASE
30/01/22  - 2nd PHASE

 ಪರಸ್ಪರ ವರ್ಗಾವಣೆ COUNSELLING ಜಿಲ್ಲೆಯ ಒಳಗೆ ದಿನಾಂಕ

07/12/21 -1st PHASE
28/01/22 - 2nd PHASE

 OUT OF UNIT WITHIN DIVISION ಪರಸ್ಪರ ವರ್ಗಾವಣೆ ದಿನಾಂಕ

21/12/21 -1st PHASE
28/01/22 - 2nd PHASE

 OUT OF UNIT AND OUT OF DIVISION ಪರಸ್ಪರವರ್ಗಾವಣೆ ದಿನಾಂಕ

14/01/22 - 1st PHASE
08/02/22 - 2nd PHASE

 ಕೋರಿಕೆ ವರ್ಗಾವಣೆ COUNSELLING ಜಿಲ್ಲೆಯ ಒಳಗೆ ದಿನಾಂಕ
        1st PHASE

 24/11/21 ರಿಂದ 02/12/21

        2nd PHASE

19/01/22 ರಿಂದ 27/01/22. 

ಮಕ್ಕಳು ಸೋಂಕನ್ನು ಉತ್ತಮವಾಗಿ ನಿಭಾಯಿಸಬಲ್ಲ ಕಾರಣ ಮೊದಲು ಪ್ರಾಥಮಿಕ ಶಾಲೆಗಳನ್ನು ತೆರೆಯಿರಿ ICMR ನಿಂದ ಮಹತ್ವದ ಸಲಹೆ

July 20, 2021

 ನವದೆಹಲಿ: ಮಕ್ಕಳು ವೈರಲ್ ಸೋಂಕನ್ನು ಹೆಚ್ಚು ಉತ್ತಮವಾಗಿ ನಿಭಾಯಿಸಬಹುದು ಎನ್ನುವ ಕಾರಣದಿಂದ ಪ್ರಾಥಮಿಕ ಶಾಲೆಗಳನ್ನು ಮೊದಲು ತೆರೆಯಲು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ಶಿಫಾರಸು ಮಾಡಿದೆ. ಇದಕ್ಕೆ ಸಂಬಂಧಪಟ್ಟಂತೆ ಅಂದ್ರೆ ಶಾಲೆ ತೆರೆಯುವುದಕ್ಕೆ ಸಂಬಂಧಪಟ್ಟಂಥೆ ಸಿಬ್ಬಂದಿ ಮತ್ತು ಶಿಕ್ಷಕರಿಗೆ ಲಸಿಕೆ ನೀಡಬೇಕು ಎಂದು ಐಸಿಎಂಆರ್ ಜುಲೈ 20 ರಂದು ಆರೋಗ್ಯ ಸಚಿವಾಲಯದ ಸಂಕ್ಷಿಪ್ತ ಸಭೆಯಲ್ಲಿ ಹೇಳಿದೆ.


ಮಕ್ಕಳು ವಯಸ್ಕರಿಗಿಂತ ವೈರಲ್ ಸೋಂಕುಗಳನ್ನು ಚೆನ್ನಾಗಿ ನಿಭಾಯಿಸಬಲ್ಲರು ಎಂದು ನಮಗೆ ಸ್ಪಷ್ಟವಾಗಿ ತಿಳಿದಿದೆ.

ಆಂಟಿಬಾಡಿ ಎಕ್ಸ್ ಪೋಶರ್ ಕೂಡ ವಯಸ್ಕರಂತೆ ಮಕ್ಕಳಲ್ಲಿ ಹೋಲುತ್ತದೆ. ಕೆಲವು ಸ್ಕ್ಯಾಂಡಿನೇವಿಯನ್ ದೇಶಗಳು ತಮ್ಮ ಪ್ರಾಥಮಿಕ ಶಾಲೆಗಳನ್ನು ಯಾವುದೇ ಕೋವಿಡ್ ಅಲೆಗಳಲ್ಲಿ ಮುಚ್ಚಲಿಲ್ಲ', ಎಂದು ಐಸಿಎಂಆರ್ ಮಹಾನಿರ್ದೇಶಕ ಡಾ. ಬಲರಾಮ್ ಭಾರ್ಗವ ಹೇಳಿದರು.

ಇದೇ ವೇಳೆ ಐಸಿಎಂಆರ್ ನ ನಾಲ್ಕನೇ ರಾಷ್ಟ್ರೀಯ ಸೆರೋಸಮೀಕ್ಷೆಯನ್ನು ಸಹ ಬಿಡುಗಡೆ ಮಾಡಲಾಯಿತು ಸುಮಾರು 40 ಕೋಟಿ ಜನರು ಇನ್ನೂ ಕೋವಿಡ್-19 ಸೋಂಕಿಗೆ ತುತ್ತಾಗಿದ್ದಾರೆ ಎಂದು ತೋರಿಸಿದೆ, ಆದರೆ ಆರು ವರ್ಷಕ್ಕಿಂತ ಮೇಲ್ಪಟ್ಟಂತೆ ನಮ್ಮ ದೇಶದ ಜನಸಂಖ್ಯೆಯ ಮೂರನೇ ಎರಡರಷ್ಟು ಜನರು ಸಾರ್ಸ್-ಕೋವಿ-2 ಪ್ರತಿಕಾಯಗಳನ್ನು ಹೊಂದಿದ್ದಾರೆ ಅಂತ ತಿಳಿಸಿದೆ. ಸಂಶೋಧನೆಗಳು ಭರವಸೆಯ ಕಿರಣವಿದೆ ಎಂದು ತೋರಿಸುತ್ತವೆ, ಆದರೆ ಸಂತೃಪ್ತಿಗೆ ಅವಕಾಶವಿಲ್ಲ ಮತ್ತು ಕೋವಿಡ್-ಸೂಕ್ತ ನಡವಳಿಕೆಯನ್ನು ಅನುಸರಿಸಬೇಕಾಗಿದೆ ಎಂದು ಸರ್ಕಾರ ಹೇಳಿದೆ.ಇತ್ತೀಚಿನ ರಾಷ್ಟ್ರೀಯ ಸೆರೋಸಮೀಕ್ಷೆಯಲ್ಲಿ 6 ವರ್ಷಕ್ಕಿಂತ ಮೇಲ್ಪಟ್ಟ ಭಾರತದ ಜನಸಂಖ್ಯೆಯ ಮೂರನೇ ಎರಡರಷ್ಟು ಅಥವಾ ಶೇಕಡಾ 67.6 ರಷ್ಟು ಜನರು ಸಾರ್ಸ್-ಕೋವಿ-2 ಪ್ರತಿಕಾಯಗಳನ್ನು ಹೊಂದಿರುವುದು ಕಂಡುಬಂದಿದೆ ಎಂದು ಹೇಳಿದರು.

ದ್ವಿತೀಯ ಪಿಯುಸಿ ಫಲಿತಾಂಶ 2021: ಫಲಿತಾಂಶ ನೋಡುವುದು ಹೇಗೆ? ಅಂಕಗಳ ಬಗ್ಗೆ ತಕರಾರಿದ್ದರೆ ಏನು ಮಾಡಬೇಕು?

July 20, 2021

 


ಬೆಂಗಳೂರು: ಕೊರೊನಾ ಕಾರಣದಿಂದ ಸ್ಥಗಿತಗೊಂಡಿರುವ ದ್ವಿತೀಯ ಪಿಯುಸಿ ಪರೀಕ್ಷೆಯ ಫಲಿತಾಂಶ (Second PUC Results 2021) ಇಂದು ಸಂಜೆ 4.30ಕ್ಕೆ ಪ್ರಕಟವಾಗಲಿದೆ. ಪರೀಕ್ಷೆ ಬರೆಯದೇ 6,66,497 ವಿದ್ಯಾರ್ಥಿಗಳು ಉತ್ತೀರ್ಣರಾಗುತ್ತಿದ್ದು, ಮುಂದಿನ ವಿದ್ಯಾಭ್ಯಾಸಕ್ಕೆ ಅನುಕೂಲವಾಗಲೆಂದು ಸಿಬಿಎಸ್​ಸಿ ಮಾದರಿಯನ್ನು (CBSE Model) ಅನುಸರಿಸಿ ಅವರಿಗೆ ಅಂಕ ನೀಡಲಾಗುತ್ತಿದೆ. ಈ ಪೈಕಿ 5,90,153 ಮಂದಿ ಹೊಸ ವಿದ್ಯಾರ್ಥಿಗಳಿದ್ದರೆ 76,344 ಮಂದಿ ಮರುಪರೀಕ್ಷೆ ಬರೆಯಬೇಕಿದ್ದ ವಿದ್ಯಾರ್ಥಿಗಳಿದ್ದರೆ. ಫಲಿತಾಂಶ ಪಡೆಯಲು Know My Register Number ನಂಬರ್ ಹಂಚಿಕೆ ಮಾಡಲಿದ್ದು, ಎನ್​ಐಸಿ (NIC) ವೆಬ್​ಸೈಟ್​ ಮೂಲಕ ಫಲಿತಾಂಶ ವೀಕ್ಷಿಸಬಹುದಾಗಿದೆ.

ಒಂದುವೇಳೆ ಇಂದು ಪ್ರಕಟವಾಗುವ ಫಲಿತಾಂಶದ ಬಗ್ಗೆ ಯಾವುದೇ ವಿದ್ಯಾರ್ಥಿಗೆ ತಕರಾರಿದ್ದರೆ ಅವರಿಗೆ ಮರು ಪರೀಕ್ಷೆ ಬರೆಯಲು ಆಗಸ್ಟ್ ತಿಂಗಳಲ್ಲಿ ಅವಕಾಶ ಕಲ್ಪಿಸಿಕೊಡಲಾಗುವುದು ಎಂದು ಪಿಯು ಮಂಡಳಿ ನಿರ್ದೇಶಕಿ ಸ್ನೇಹಲ್​ ಬೆಂಗಳೂರಿನಲ್ಲಿ ಹೇಳಿಕೆ ನೀಡಿದ್ದಾರೆ. ಸುಮಾರು 17 ಸಾವಿರ ವಿದ್ಯಾರ್ಥಿಗಳು ಮುಂದಿನ ತಿಂಗಳು ಪರೀಕ್ಷೆ ಬರೆಯುವವರಿದ್ದಾರೆ. ಇಂದಿನ ಫಲಿತಾಂಶವನ್ನು ತಿರಸ್ಕರಿಸುವವರಿಗೂ ಅದೇ ಸಮಯದಲ್ಲಿ ಹೊಸದಾಗಿ ಪರೀಕ್ಷೆ ನೀಡಲಾಗುವುದು ಎಂದು ಇಲಾಖೆ ಸ್ಪಷ್ಟಪಡಿಸಿದೆ.

ಆದರೆ, ಒಮ್ಮೆ ಫಲಿತಾಂಶವನ್ನು ತಿರಸ್ಕರಿಸಿದ ನಂತರ ಮತ್ತೆ ಅದನ್ನು ಪಡೆಯುವುದು ಅಸಾಧ್ಯವಾಗಿದ್ದು, ಹೊಸದಾಗಿ ಪರೀಕ್ಷೆ ಬರೆದೇ ಉತ್ತೀರ್ಣರಾಗಬೇಕಿದೆ. ಹೀಗಾಗಿ ಇಂದಿನ ಫಲಿತಾಂಶವನ್ನು ಚಾಲೆಂಜ್ ಮಾಡುವ ವಿದ್ಯಾರ್ಥಿಗಳು ಆಗಸ್ಟ್ ತಿಂಗಳ ಪರೀಕ್ಷೆಯಲ್ಲಿ ಉತ್ತಮ ಅಂಕಗಳಿಸಲು ಸಿದ್ಧರಾಗಬೇಕಿದೆ. ಸಿಬಿಎಸ್‌ಇ ಮಾದರಿಯಲ್ಲಿ ಎಸ್‌ಎಸ್‌ಎಲ್‌ಸಿ, ಪಿಯು ಅಂಕ ಪರಿಗಣಿಸಿ ಫಲಿತಾಂಶ ನೀಡಲು ಸಿದ್ಧತೆ ಕೈಗೊಳ್ಳಲಾಗಿದ್ದು, ಗ್ರೇಡ್ ಬದಲು ಅಂಕಗಳ ಆಧಾರದಲ್ಲಿ ಫಲಿತಾಂಶ ಹೊರಬೀಳಲಿದೆ.

ಫಲಿತಾಂಶ ನೋಡುವುದು ಹೇಗೆ
ಫಲಿತಾಂಶ ನೀಡಲು ಪಿಯು ಬೋರ್ಡ್ ಮುಂದೆ ಸವಾಲೊಂದು ಎದುರಾಗಿದ್ದು, ನೋಂದಣಿ ಸಂಖ್ಯೆ ಇಲ್ಲದೇ ಫಲಿತಾಂಶ ನೋಡುವುದು ಹೇಗೆ ಎಂಬ ಗೊಂದಲ ಬಗೆಹರಿಸಲು ಪಿಯು ಬೋರ್ಡ್​ ಸ್ಪಷ್ಟನೆ ನೀಡಿದೆ. ಪ್ರತಿ ವರ್ಷ ಪರೀಕ್ಷೆ‌ಗೆ ಕೊಟ್ಟ ನೋಂದಣಿ ಸಂಖ್ಯೆ ಮೇಲೆ ಫಲಿತಾಂಶ ಸಿಗುತ್ತಿತ್ತು. ಈ ಬಾರಿ ಪರೀಕ್ಷೆಯಾಗದೆ ರಿಜಿಸ್ಟರ್ ‌ನಂಬರ್ ಸಿಕ್ಕಿಲ್ಲ. ಹೀಗಾಗಿ, ಫಲಿತಾಂಶ ಸಲುವಾಗಿ ವಿದ್ಯಾರ್ಥಿಗಳಿಗೆ ಹೊಸದಾಗಿ ರಿಜಿಸ್ಟರ್‌ ನಂಬರ್ ಜನರೇಟ್ ಮಾಡುವ ವ್ಯವಸ್ಥೆ ಮಾಡಲಾಗಿದೆ.

Know my number ಆಯ್ಕೆಯನ್ನು ವೆಬ್​ಸೈಟ್ ಮೂಲಕ ವಿದ್ಯಾರ್ಥಿಗಳು ಪರಿಶೀಲಿಸಬಹುದು. ವಿದ್ಯಾರ್ಥಿಗಳಿಗೆ ಎಸ್​ಎಂಸ್​ ಮೂಲಕ ತಿಳಿಸುವುದರೊಂದಿಗೆ ಆಯಾ ಕಾಲೇಜಿಗೆ ಈ ಕುರಿತು ಮಾಹಿತಿ ನೀಡಲಾಗುತ್ತದೆ. ಫಲಿತಾಂಶ ಮುನ್ನ ತಮ್ಮ ರಿಜಿಸ್ಟರ್‌ ನಂಬರನ್ನು ವಿದ್ಯಾರ್ಥಿಗಳು ಖಚಿತಪಡಿಸಿಕೊಳ್ಳಬೇಕು. ಜನರೇಟ್ ಆದ ರಿಜಿಸ್ಟರ್ ನಂಬರ್ ಅನ್ನು ಚೆಕ್‌ ಮಾಡಿ ಖಚಿತಪಡಿಸಿಕೊಳ್ಳಬೇಕು. ಆನಂತರ ವೆಬ್​ಸೈಟ್ ಮೂಲಕ ಫಲಿತಾಂಶ ಪಡೆಯಬಹುದು ಎಂದು ತಿಳಿಸಿದೆ.


ಫಲಿತಾಂಶ ನೋಡಲು:-http://karresults.nic.in/

ರಾಜ್ಯದ ಎಲ್ಲ ಸರ್ಕಾರಿ ನೌಕರರಿಗೆ ಬಯೋಮೆಟ್ರಿಕ್ ಕಡ್ಡಾಯ

July 20, 2021

 


ಬೆಂಗಳೂರು: ಕೊರೊನಾ ಎರಡನೇ ಅಲೆ ಭೀತಿಯ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರಿ ನೌಕರರಿಗೆ ಬಯೋಮೆಟ್ರಿಕ್ ನಲ್ಲಿ ವಿನಾಯ್ತಿ ನೀಡಲಾಗಿತ್ತು. ಸದ್ಯ ಅನ್ಲಾಕ್ 4.0 ಜಾರಿಯಾಗಿದೆ. ಹೀಗಾಗಿ ಜುಲೈ 19 ರಿಂದ ರಾಜ್ಯದ ಎಲ್ಲ ಸರ್ಕಾರಿ ನೌಕರರಿಗೆ ಬಯೋಮೆಟ್ರಿಕ್ ಕಡ್ಡಾಯಗೊಳಿಸಲಾಗಿದೆ.

ಈ ಕುರಿತಂತೆ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣೆ ಇಲಾಖೆಯ ಸರ್ಕಾರ ಕಾರ್ಯದರ್ಶಿ ಮುನೀಶ್ ಮೌದ್ಗಿಲ್ ಸುತ್ತೋಲೆ ಹೊರಡಿಸಿದ್ದು, ರಾಜ್ಯದಲ್ಲಿ ಕೋವಿಡ್-19 ಪ್ರಕರಣಗಳು ಕಡಿಮೆಯಾಗಿರುವುದರಿಂದ ಬಯೋಮೆಟ್ರಿಕ್ ಹಾಜರಾತಿ ವ್ಯವಸ್ಥೆಯನ್ನು ದಿನಾಂಕ 19-07-2021ರಿಂದ ಪುನರಾರಂಭಿಸಲಾಗಿದೆ ಎಂಬುದಾಗಿ ತಿಳಿಸಿದ್ದಾರೆ.

ನಿರ್ಣಾಯಕ ಹೋರಾಟಕ್ಕೆ ಅಣಿ: ಸರ್ಕಾರಿ ನೌಕರರ ವೇತನ ತಾರತಮ್ಯ; ವ್ಯತ್ಯಾಸ ಅಧ್ಯಯನಕ್ಕೆ ನಿವೃತ್ತರ ನೆರವು

July 20, 2021

 


ಕೇಂದ್ರ ಸರ್ಕಾರಿ ನೌಕರರ ವೇತನಕ್ಕೂ ರಾಜ್ಯ ಸರ್ಕಾರಿ ನೌಕರರ ವೇತನಕ್ಕೂ ಅಜಗಜಾಂತರ ವ್ಯತ್ಯಾಸ ಇದ್ದು, ಇದು ಬಹು ವರ್ಷದ ಚರ್ಚಾ ವಿಷಯ. ಆದರೀಗ ರಾಜ್ಯ ಸರ್ಕಾರಿ ನೌಕರರು ತಮ್ಮ ಬೇಡಿಕೆ ಈಡೇರಿಸಿಕೊಳ್ಳಲು ನಿರ್ಣಾಯಕ ಹೋರಾಟಕ್ಕೆ ಸಜ್ಜಾಗಿದ್ದಾರೆ.

ಹೋರಾಟಕ್ಕೆ ಮುನ್ನ ಸರ್ಕಾರಕ್ಕೆ ಅರ್ಥಮಾಡಿಸಲು ವೈಜ್ಞಾನಿಕ ಅಧ್ಯಯನ ವರದಿಯನ್ನು ಸಲ್ಲಿಸಲು ರಾಜ್ಯ ಸರ್ಕಾರಿ ನೌಕರರ ಸಂಘ ನಿರ್ಧರಿಸಿದ್ದು, ಈ ಸಂಬಂಧ ತಜ್ಞರ ಸಮಿತಿ ರಚಿಸಿದೆ. ಆರ್ಥಿಕ ಮತ್ತು ಸಾಂಖ್ಯಿಕ ಇಲಾಖೆಯಲ್ಲಿ ದೀರ್ಘಕಾಲ ಸೇವೆ ಸಲ್ಲಿಸಿ ಪಳಗಿ ನಿವೃತ್ತರಾದ ಅಧಿಕಾರಿಗಳು ಈ ಪ್ರಯತ್ನಕ್ಕೆ ಬೆಂಬಲವಾಗಿ ನಿಲ್ಲುತ್ತಿದ್ದು, ಸಮಿತಿಯಲ್ಲಿ ಜವಾಬ್ದಾರಿ ಪಡೆದá-ಕೊಂಡಿದ್ದಾರೆ ಎಂಬುದು ವಿಶೇಷ ಸಂಗತಿ.

ಈ ತಂಡ ಕೇಂದ್ರ ಸರ್ಕಾರ ವಿವಿಧ ಹುದ್ದೆಗಳಿಗೆ ನೀಡುವ ವೇತನ, ಭತ್ಯೆ, ಸೌಲಭ್ಯಗಳು ಮತ್ತು ವಿವಿಧ ರಾಜ್ಯಗಳಲ್ಲಿ ನೀಡುವ ವೇತನ, ಭತ್ಯೆಗಳ ಬಗ್ಗೆ ಮಾಹಿತಿ ಸಂಗ್ರಹಿಸಿ ಕರ್ನಾಟಕದ ಸರ್ಕಾರಿ ನೌಕರರಿಗೆ ಆಗುತ್ತಿರುವ ವ್ಯತ್ಯಾಸವನ್ನು ವಿಶ್ಲೇಷಣೆ ಮಾಡಿ ವರದಿ ತಯಾರಿಸಲಿದೆ.

ಬಳಿಕ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಮತ್ತು ವೇತನ ಆಯೋಗದ ಅಧ್ಯಕ್ಷರಿಗೆ ವರದಿ ಸಲ್ಲಿಸಲಾಗುತ್ತದೆ.

ಈಗ ಈ ವಿಚಾರವೇಕೆ?: ಕೇಂದ್ರ ಸರ್ಕಾರಿ ನೌಕರರಿಗೆ ನೀಡುವ ವೇತನ ಸರಿಸಮಾನ ನೀಡಬೇಕೆಂಬ ಬೇಡಿಕೆ ಹಲವು ವರ್ಷದ್ದು. ನಾವು ಮಾಡುವ ಕೆಲಸವನ್ನೇ ಅವರೂ ಮಾಡುವುದು ನಾವು ತಿನ್ನುವುದನ್ನೇ ಅವರೂ ತಿನ್ನುತ್ತಾರೆ. ಹಾಗಿದ್ದರೂ ವೇತನ ವ್ಯತ್ಯಾಸ ಏಕೆ ಎಂಬುದು ರಾಜ್ಯ ಸರ್ಕಾರಿ ನೌಕರರ ಪ್ರಶ್ನೆಯಾಗಿದೆ.

ಇನ್ನು 2022-23ರಲ್ಲಿ ಸರ್ಕಾರಿ ನೌಕರರ ಪೇ ಸ್ಕೇಲ್ ಬದಲಾಗಬೇಕಿದೆ. ಈ ವೇಳೆ ವೇತನ ತಾರತಮ್ಯ ಸರಿಯಾಗಬೇಕೆಂಬ ಹಠ ಸರ್ಕಾರಿ ನೌಕರರ ಸಂಘದ್ದಾಗಿದೆ. ಇದೇ ಕಾರಣಕ್ಕೆ ತಾಲೀಮು ಆರಂಭಿಸಿದೆ. ಪ್ರಸ್ತುತ ಸರ್ಕಾರಿ ನೌಕರರಿಗೆ ನೀಡುತ್ತಿರುವ ಸಂಬಳವು ಬೆಂಗಳೂರಿನಲ್ಲಿ ಮಾಸಿಕ 17,050 ರೂ. ಇದ್ದರೆ, ಗ್ರಾಮೀಣ ಭಾಗದಲ್ಲಿ 14,700 ರೂ. ಇದೆ. ಬೆಂಗಳೂರಿನಲ್ಲಿ ದೊರೆಯುವ ಗರಿಷ್ಠ ಸಂಬಳವು 1,38,500 ರೂ.ಗಳು. ಈ ಮೊತ್ತದಲ್ಲಿ ಅವರಿಗೆ ಅರ್ಹ ಇರುವ ತುಟ್ಟಿಭತ್ಯೆ, ಮನೆ ಬಾಡಿಗೆ ಭತ್ಯೆ, ನಗರ ಪರಿಹಾರ ಭತ್ಯೆ ಸೇರಿದೆ.

26 ರಾಜ್ಯದಲ್ಲಿ ಸಮಾನ: ದೇಶದ 26 ರಾಜ್ಯಗಳು ಕೇಂದ್ರ ನೀಡುವ ವೇತನವನ್ನೇ ತಮ್ಮ ನೌಕರರಿಗೆ ನೀಡುತ್ತಿದೆ. ಕರ್ನಾಟಕದಲ್ಲಿ ಮಾತ್ರ ಕುಂಟು ನೆಪಗಳನ್ನು ಹೇಳಿಕೊಂಡು ಮುಂದೂಡಲಾಗುತ್ತಿದೆ ಎಂಬ ಆರೋಪವಿದೆ. ವೇತನ ವ್ಯತ್ಯಾಸ ಸರಿಪಡಿಸಬೇಕೆಂದು ನ್ಯಾಯಾಲಯದಲ್ಲೂ ತೀರ್ಪಬಂದಿವೆ, ಕಾಲಕಾಲಕ್ಕೆ ತೀರ್ವನಗಳು ಆಗಿಲ್ಲ. ಈಗ ಆಗಬಹುದೆಂಬ ವಿಶ್ವಾಸವಿದೆ. ನಮ್ಮ ಬೇಡಿಕೆಗೆ ಸ್ಪಂದನೆ ಸಿಗದೇ ಹೋದರೆ ಸಮಸ್ತ ನೌಕರರು ಒಟ್ಟಾಗಿ ಹೋರಾಟಕ್ಕಿಳಿ ಯುವುದು ಖಚಿತ ಎಂದು ನೌಕರರ ಸಂಘದ ಪದಾಧಿಕಾರಿಗಳು ಹೇಳುತ್ತಿದ್ದಾರೆ.

ಸಾವಿರಾರು ವ್ಯತ್ಯಾಸ: ಕೇಂದ್ರ ಸರ್ಕಾರದ ನೌಕರರು ಮತ್ತು ರಾಜ್ಯ ಸರ್ಕಾರ ನೌಕರರ ವೇತನದಲ್ಲಿ ನೂರಿನ್ನೂರು ರೂಪಾಯಿ ವ್ಯತ್ಯಾಸವಿಲ್ಲ, ಬದಲಿಗೆ ಮಾಸಿಕ 10 ಸಾವಿರದಿಂದ 20 ಸಾವಿರ ರೂ.ನಷ್ಟು ವ್ಯತ್ಯಾಸ ಕಾಣಿಸುತ್ತಿದೆ. ಕೆಲವು ಹುದ್ದೆಗಳಲ್ಲಿ 30 ಸಾವಿರದಷ್ಟು ಅಂತವಿದೆ. ಸಣ್ಣಪುಟ್ಟ ವ್ಯತ್ಯಾಸವಿದ್ದರೆ ಸಹಿಸಿಕೊಳ್ಳಬಹುದಿತ್ತು, ಆದರೆ ಪೇ ಸ್ಕೇಲ್ ಬದಲಾದಾಗಲೆಲ್ಲ ಅಂತರ ಹೆಚ್ಚಾಗುತ್ತಲೇ ಇದೆ. ಇದನ್ನು ಸರಿಪಡಿಸಿಕೊಡಿ ಎಂಬುದು ನಮ್ಮ ಆಗ್ರಹ ಎಂದು ಸರ್ಕಾರಿ ನೌಕರರ ಸಂಘ ತಿಳಿಸಿದೆ.

ವ್ಯತ್ಯಾಸ ಯಾವ ರೀತಿ..?: ಭತ್ಯೆಗಳು, ರಿಸ್ಕ್ ಅಲೊಯನ್ಸ್, ಎಚ್​ಆರ್​ಎ.. ಹೀಗೆ ವೇತನವಲ್ಲದ ರೂಪದಲ್ಲಿ ನೀಡುವ ಸೌಲಭ್ಯಗಳಲ್ಲೂ ತಾರತಮ್ಯವಿದೆ. ನಾವೂ ಸರ್ಕಾರಿ ಕೆಲಸವನ್ನೇ ಮಾಡುವುದು, ನಮಗೂ ಕೇಂದ್ರದಲ್ಲಿ ನೀಡುವ ಭತ್ಯೆ, ಸೌಲಭ್ಯಗಳು ಸಿಗಬೇಕು ಎಂಬುದು ರಾಜ್ಯ ಸರ್ಕಾರಿ ನೌಕರರ ಸಂಘ ವಾದ. ಆರು ತಿಂಗಳಿಗೊಮ್ಮೆ ಕೇಂದ್ರ ಸರ್ಕಾರ ಡಿಎ ಘೋಷಣೆ ಮಾಡಿದರೆ ಅದಕ್ಕಿಂತ ಶೇ.004 ಕಡಿಮೆ ಡಿಎ ಘೋಷಣೆ ರಾಜ್ಯದಲ್ಲಾಗುತ್ತದೆ.

ವೇತನ ವ್ಯತ್ಯಾಸದ ಬಗ್ಗೆ ಸರ್ಕಾರಕ್ಕೆ ವರದಿ ಸಲ್ಲಿಸಲು ಎಕ್ಸ್​ಪರ್ಟ್ ಕಮಿಟಿ ರಚಿಸಿದ್ದೇವೆ. ವರದಿ ಬಂದ ಕೂಡಲೇ ಸರ್ಕಾರಕ್ಕೆ ಸಲ್ಲಿಸುತ್ತೇವೆ. ಸಮಸ್ತ ಸರ್ಕಾರಿ ನೌಕರರ ಬೇಡಿಕೆಯನ್ನು ಸರ್ಕಾರ ಪರಿಗಣಿಸಲೇಬೇಕು. ಇಲ್ಲವಾದರೆ ಹೋರಾಟ ಮಾಡುತ್ತೇವೆ, ಯಾವುದೇ ಕಾರಣಕ್ಕೂ ಕಾಂಪ್ರಮೈಸ್ ಆಗಲ್ಲ.

| ಸಿ.ಎಸ್.ಷಡಾಕ್ಷರಿ ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷ




A sari of female candidates was pulled in the street

July 09, 2021

Titel : A sari of female candidates was pulled in the street

File Type :- News
File Language :- Kannada
Which Department :- All 
State :-Karnataka 
Published Date :- 07/07/2021
File Format :-Pdf
File Size :- 181KB
Number of Pages :04
Scanned Copy :- yes
Copy Text :- no
Enable :- Yes
Quality :- high
File size Reduced :- no
Password Protected :- No 
Password Encrypted:- no
Image File Available :- yes
File View Available :- Yes
Download Link Available :- yes
Cost :- No
Personal Use Only



BIGG NEWS: When are schools opening? See the tooltip

July 09, 2021

Titel : BIGG NEWS: When are schools opening? See the tooltip

File Type :- News
File Language :- Kannada
Which Department :- All 
State :-Karnataka 
Published Date :- 07/07/2021
File Format :-Pdf
File Size :- 181KB
Number of Pages :04
Scanned Copy :- yes
Copy Text :- no
Enable :- Yes
Quality :- high
File size Reduced :- no
Password Protected :- No 
Password Encrypted:- no
Image File Available :- yes
File View Available :- Yes
Download Link Available :- yes
Cost :- No
Personal Use Only



'Good News' from State Government to Rural People

July 09, 2021

Titel : 'Good News' from State Government to Rural People

File Type :- News
File Language :- Kannada
Which Department :- All 
State :-Karnataka 
Published Date :- 07/07/2021
File Format :-Pdf
File Size :- 181KB
Number of Pages :04
Scanned Copy :- yes
Copy Text :- no
Enable :- Yes
Quality :- high
File size Reduced :- no
Password Protected :- No 
Password Encrypted:- no
Image File Available :- yes
File View Available :- Yes
Download Link Available :- yes
Cost :- No
Personal Use Only



Main information for SC, ST students in the state

July 09, 2021

Titel : Main information for SC, ST students in the state

File Type :- News
File Language :- Kannada
Which Department :- All 
State :-Karnataka 
Published Date :- 07/07/2021
File Format :-Pdf
File Size :- 181KB
Number of Pages :04
Scanned Copy :- yes
Copy Text :- no
Enable :- Yes
Quality :- high
File size Reduced :- no
Password Protected :- No 
Password Encrypted:- no
Image File Available :- yes
File View Available :- Yes
Download Link Available :- yes
Cost :- No
Personal Use Only




SSLC | Mock test on the same 15 and 17: Suresh Kumar

July 06, 2021

Titel : SSLC | Mock test on the same 15 and 17: Suresh Kumar

File Type :- News
File Language :- Kannada
Which Department :- All 
State :-Karnataka 
Published Date :- 07/07/2021
File Format :-Pdf
File Size :- 181KB
Number of Pages :04
Scanned Copy :- yes
Copy Text :- no
Enable :- Yes
Quality :- high
File size Reduced :- no
Password Protected :- No 
Password Encrypted:- no
Image File Available :- yes
File View Available :- Yes
Download Link Available :- yes
Cost :- No
Personal Use Only