News

ವೇತನ ಇಲ್ಲ; ಕತ್ತಲೆಯ ದೀಪಾವಳಿ ಆಚರಿಸುವ ದೌರ್ಭಾಗ್ಯವಿದೆ: KSRTC ಸಿಬ್ಬಂದಿ ಆಕ್ರೋಶ

 

ಕೊರೊನಾ ಹಾವಳಿಯಲ್ಲೂ ಧೃತಿಗೆಡದೆ ಕೆಲಸ ನಿರ್ವಾಹಿಸಿದ KSRTC ಸಿಬ್ಬಂದಿಗೆ ಕತ್ತಲೆಯ ದೀಪಾವಳಿ ಆಚರಿಸುವ ದೌರ್ಭಾಗ್ಯ ಎದುರಾಗಿದೆ.

ನೌಕರರಿಂದ ಹಗಲು ರಾತ್ರಿ ದುಡುಸಿಕೊಂಡ ಸಾರಿಗೆ ನಿಗಮಗಳು ದೀಪಾವಳಿ ಹಬ್ಬ ಇದ್ರೂ, ಇನ್ನೂ ಸಹ ನೌಕರರಿಗೆ ಸಂಬಳದ ಭಾಗ್ಯ ಕರುಣಿಸಿಲ್ಲ. ಈ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಸಿಬ್ಬಂದಿಗಳು ತಮ್ಮ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಈ ಹಿಂದೆ ಆಫೀಸ್ ಸಿಬ್ಬಂದಿಗಳಿಗೆ ಒಂದನೇ ತಾರೀಖಿನಂದೆ ಸಂಬಳವಾಗ್ತಿತ್ತು. ನಾಲ್ಕರಂದು ಡಿಪೋ ಮೆಕ್ಯಾನಿಕ್ಸ್​ಗೆ ಹಾಗೂ ಏಳನೇ ತಾರೀಖಿನಂದು ಡ್ರೈವರ್ ಕಂಡಕ್ಟರ್ ಗಳಿಗೆ ಸಂಬಳವಾಗ್ತಿತ್ತು. ಆದರೆ ಈ ಬಾರಿ 14ನೇ ತಾರೀಖಾದ್ರು ಸಂಬಳವಾಗಿಲ್ಲ.

1 ಲಕ್ಷದ 20 ಸಾವಿರ ಸಿಬ್ಬಂಧಿಗಳಿಗೆ ಸಂಬಳವಾಗಿಲ್ಲ..
KSRTC ಯಲ್ಲಿ 38 ಸಾವಿರ ನೌಕರರು ಮತ್ತು ಸಿಬ್ಬಂದಿಗಳಿದ್ದಾರೆ.

ಅಲ್ಲದೆ KSRTC, BMTC, NEKRTC ಹಾಗೂ NEKRTC ಸೇರಿ 1 ಲಕ್ಷದ 20 ಸಾವಿರ ನೌಕರರು ಮತ್ತು ಸಿಬ್ಬಂದಿಗಳಿದ್ದಾರೆ. ರಾಜ್ಯದಲ್ಲಿ ಕೋವಿಡ್ ಹೆಚ್ಚಾಗಿರುವ ಕಾರಣದಿಂದ ಸರಿಯಾದ ಸಮಯಕ್ಕೆ ಸಂಬಳವಾಗ್ತಿಲ್ಲ. ಈ ಬಾರಿ ಹಬ್ಬ ಇರೋದ್ರಿಂದ ಸರಿಯಾದ ಸಮಯಕ್ಕೆ ಸಾರಿಗೆ ಸಿಬ್ಬಂದಿಗಳು ಸಂಬಳದ ನಿರೀಕ್ಷೆಯಲ್ಲಿದ್ದರು. ಆದರೆ ಈ ಬಾರಿಯೂ ಇಲ್ಲಿಯವರೆಗೆ ನಿಗಮಗಳು ಸಂಬಳ ಕರುಣಿಸಿಲ್ಲ.

ಬಿಎಂಟಿಸಿಯಲ್ಲೂ ಇದೆ ಗೋಳು..
ಇದು ಕೆಎಸ್‌ಆರ್ಟಿಸಿ ಕಥೆಯಾದ್ರೆ ಇತ್ತ ಬಿಎಂಟಿಸಿಯಲ್ಲೂ ಇದೆ ಗೋಳು. ಬಿಎಂಟಿಸಿಯಲ್ಲಿ 38 ಸಾವಿರ ಸಿಬ್ಬಂದಿಗಳು ಹಾಗೂ ನೌಕರರಿದ್ದಾರೆ. ಬಿಎಂಟಿಸಿಯಲ್ಲಿ ಪ್ರತಿ ತಿಂಗಳು ಏಳನೇ ತಾರೀಖಿನಂದು ಸಂಬಳ ನೀಡ್ತಿದ್ರು. ಆದರೆ ಈ ಬಾರಿ ಇಲ್ಲಿಯವರೆಗೂ ಸಂಬಳವಾಗಿಲ್ಲ. ಹೀಗಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಸಿಬ್ಬಂದಿಗಳು ನೋವು ತೋಡಿಕೊಳ್ತಿದ್ದಾರೆ. ಕೋವಿಡ್ ಬಳಿಕ ಸಂಬಳಕ್ಕೆ ಸಾರಿಗೆ ನಿಗಮಗಳು ಸರ್ಕಾರವನ್ನೇ ನೆಚ್ಚಿಕೊಂಡಿವೆ. ಹೀಗಾಗಿ ಸರ್ಕಾರ ಕೊಟ್ರೆ ಮಾತ್ರ ನಾವು ನೌಕರರಿಗೆ ಸಂಬಳ ನೀಡಲು ಸಾಧ್ಯ ಎಂದು ನಿಗಮಗಳು ಸಬೂಬು ಹೇಳುತ್ತಿವೆ.

Leave a Reply

Your email address will not be published.